DIY // 3分鐘簡單自製卸甲油罐 / 3 minutes DIY Muji Nail Polish Remover Bottle

曾經係SaSa買過現成既卸甲油罐, 想要洗走指甲油只要放隻手指入去轉轉即時卸走哂, 

方便又可以節省每次要用既化妝綿, 但美中不足既就係嫌裡面既洗甲水氣味難聞刺鼻, 用後指甲仲有層白色霧狀感, 唔係咁鍾意所以直接放棄! ~ 

睇到國外十分流行DIY甲油罐, 屋企有材料, 今日就試試自已都造返個 ~♥

DIY既好處就係可以因應返自已鍾意既洗甲水黎完成

材料: 

1, 自已鍾意既洗甲水 : 小粒選用Muji除光液 $48 ( 100ml )鍾意裡面陣陣柑橘味,含有天然柑橘油,無刺鼻氣味同埋效果明顯, 三兩下就乾淨哂~ 

2, 海綿：洗碗用海綿, CUT左百潔布果層出黎就可以, 圖中我用既係Neco Sponge無百潔布果層, 唔洗再CUT

3, 自已鍾意既罐或者玻璃樽 ： 呢個就係我既收藏品喇, 細個用既日本漿糊樣, 不過呢個原身係罐洗面膏, 可愛~♥


先用消毒火酒抹乾淨內外

設定手指使用位置, 我用既海綿size只要放入兩個海綿, 利用海綿與海綿間既隙,唔洗另外開,若果搵唔到岩size既海綿, 用1個海綿再用cutter cut開或者利用海綿之間既摺位, 用筆插係中間定位 *視乎罐身高矮決定造法 *揀較罐身大既海綿黎做

將整樽洗甲水加入罐內海綿

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

只需要呢3種材料＆做法好簡單, 就可以得到又靚又實用既個人化既卸甲罐罐喇 ~♥